Parroquias da UPA

Arante
 

A parroquia de San Pedro de Arante conta cunha fermosa igrexa do século XVIII. Trátase dun edificio de nave única con arcos de medio punto que sustentan unha bóveda de cañón.

Cedofeita
 

Santa María Magdalena de Cedofeita é unha das parroquias máis antigas da zona e aparece xa en documentos de principios do século XIII. A mediados do século XIX, xuntamente con outras parroquias veciñas, chegou a formar un concello independente.

Cubelas

 

A Parroquia de San Vicente de Cubelas aparece xa en documentos da alta idade media. O templo parroquial é amplo e conta cun fermoso e orixinal pórtico de entrada.

Ove
 

A Parroquia de San Xoán de Ove, que abrangue unha parte importante do núcleo urbano de Ribadeo, aparece en documentos do século XII. A igrexa parroquial é unha construcción do século XVII.

Piñeira
 

A Parroquia de San Xoán de Piñeira conta cunha igrexa do século XVII, que acaba nunha espadana que dispón de dous vans que albergan outras tantas campás.

Vilaselán
 

A igrexa de Santa María de Vilaselán é  ao mesmo tempo un santuario adicado ao misterio da Encarnación da Virxe que goza de gran aprecio e devoción entre os fegreses de Ribadeo.

© Unidade Pastoral de Ribadeo 2020